CHIMBUKO LA WANAUME KUSEMA UONGO KWENYE MAHUSIANO

Imegundulika na kuhakikiwa kwamba uongo ni mbinu mojawapo muhimu sana inayotumiwa na wanaume wenye lengo la kutafuta fursa za kupata mpenzi au wapenzi ili kufanya mapenzi yasiyo ya kudumu na yasiyo na uwajibikaji “short term partners”. Kila wanaume watatu kati ya wane walioshiriki utafiti huu walikiri kuwa wakotayari kutumia uongo au kupindisha ukweli ili tu kuweza kupata fursa ya kufanya mapenzi. Mambo ambayo wanaume hudanganya yanafanana karibu katika kila jamii na tamaduni, kwa mfano; wanaume wengi huongeza chumvi au kukuza taarifa wanapoongea habari ya vitu wanavyomiliki, wanapoongea kuhusu nafasi zao kazini au kwenye jamii (kama yeye ni mfanyakazi wa kawaida atamwambia mpenzi wake kuwa yeye ni meneja au ndio mwenye kampuni), wengine hudanganya kuhusu biashara zao (yamkini wala sio zao, ila wanajishikiza tu) au wanasema uongo kuhusu kujulikana kwao (yeye kila mtu maarufu anamjua au ni rafiki yake). Kwa kuangalia hili inaweza kukupa tahadhari wewe msichana au mwanamke kwamba ukiona uongo unashika hatamu katika hatua za mwanzoni fahamu kabisa kuwa wewe unaandaliwa kuwa “temporary or part time partner”. Tatizo wengine mko tayari kudanganywa kwasababu mkiambiwa ukweli eti mtaumia, we haya we!!!! – Chris Mauki